پاکستان دی ترقی وچ عورتاں دااہم کرداراے،رانا تنویر

اسلام آباد(پنجابی میڈیاگروپ)وفاقی وزیر تعلیم رانا تنویر نے صحافی عورتاں دے کم نوں سراہندیاں ہویاں آکھیا کہ پاکستان دے کسی وی شعبے خصوصا تعلیم دی ترقی وچ عورتاں دا کردار اہم اے، تعلیم ذریعے ہی اسیں ملک نوں ترقی دے سکدے تے موجودہ مسائل نال نمٹ سکدے ہاں، وفاقی دارالحکومت وچ 16ہزار توں وَدھ بال سکول نہیں جاندے ، تعداد گھٹ کر کے وفاق نوں باقی ملک لئی ماڈل بنایا جائے گا۔ تفصیل دے مطابق وفاقی وزیر تعلیم رانا تنویر نے ایف ای تے پی ٹی دی وزارت وچ عورتاں بیٹ رپورٹراں دی میزبانی کردیاں ہویاں ملکی ترقی وچ عورتاں دے کردار دا اعتراف کیتا۔اوہناں نے عورتاں رپورٹراں نوں صحاف وچ اپنا تعاون جاری رکھن اُتے روشنی پائی تے اوہناں دی حوصلہ افزائی کیتی۔