قوم موت وحیات دی کشمکش وچ اے،شیخ رشید

لہور(پنجابی میڈیاگروپ) سربراہ عوامی مسلم لیگ وسابق وفاقی وزیرداخلہ شیخ رشید احمد نے آکھیا اے کہ قوم زندگی تے موت دی کشمکش وچ اے،حکومت اپنے مفاد دی بجائے قومی مفاد تے استحکام دا سوچے،حکمراناں نوں ریاست دی نہیں اپنی سیاست دی فکر اے لیکن عوام دا نام ہی ریاست اے، الیکشن ہی ملک دی بقا اے،نگران حکومت پی ڈی ایم دی بی ٹیم اے، جو کجھ لہوروچ تشدد ہویا ایہ اوس دا دفاع کردے رہے۔اوہناں نے سماجی رابطے دی ویب سائٹ ٹوئٹراُتے لکھیا کہ پاکستان وچ کوئی اینج دی دفعہ 144خونی نہیں ہوئی جس دا پرچہ پلس دی مدعیت وچ کٹیا ہوئے،پلس نے علی بلال دی شہادت دا مقدمہ اوس دے والددی بجائے پلس دی مدعیت وچ درج کیتا، جیہڑا مستقبل وچ نگران حکومت دے گلے پئے گا۔اوہناں نے اکھیا کہ خیبر پختونخوا دے گورنر نوں ریاست دا نمائندہ بننا چاہیدا اے، مولانا فضل الرحمان دا نہیں، پاکستان نوں ایشیا پیسیفک تے انڈوپیسیفک دے درمیان سینڈوچ بنایا جا رہیا اے۔