دفعہ 144 نافذ کرناغیر آئینی اے: یاسمین راشد

لہور( پنجابی میڈیاگروپ)تحریک انصاف دی مرکزی رہنما یاسمین راشد نے آکھیا کہ دفعہ 144 دا لہور وچ نفاذ غیر آئینی اے، انتخابی کمپین چلانا تحریک انصاف دا جمہوری حق اے، ملک وچ ہر پاسے ظلم دا دور دورہ اے، ن لیگی ٹولہ ملک وچ افراتفری پھیلانا چاہندا اے۔جیل روڈ اُتے کارکناں نال خطاب کردیاں ہویاں سابق صوبائی وزیر صحت ڈاکٹر یاسمین راشد نے آکھیا کہ پُر امن ریلی کڈنا تحریک انصاف دا جمہوری حق اے، تحریک انصاف جمہوری جدوجہد اتے یقین رکھدی اے، کارکناں نے ہمیشہ اپنے پارٹی چیئرمین عمران خان دی کال اُتے لبیک آکھیا۔تحریک انصاف دی رہنما ڈاکٹر یاسمین راشد نے آکھیا کہ اسیں ہمیشہ قنون دے دائرے وچ رہ کے پُرامن احتجاج کیتا اے، موجودہ شہباز حکومت، نگران حکومت پنجاب فسطائی تے فاشسٹ ہتھکنڈیاں توں بازآجان ، کارکن پُر امن طریقے نال اپنے گھراں وچ واپس چلے جان۔