عمران خان نوں پھڑنا5منٹ دا کم اے:مریم نواز

لہور(پنجابی میڈیاگروپ)مریم نواز نے آکھیا کہ ریاست اگرعمران خان نوں پھڑنا چاہے تے 5منٹ دا کم نہیں، فرق ایہ ہے ریاست نہیں چاہندی کوئی خون خرابہ ہوئے ۔ پاکستان مسلم لیگ ن دی چیف آرگنائزر مریم نواز نے پریس کانفرنس کردیاں ہویاں آکھیا کہ وگڑیا ہویا بچہ ریاست اُتے پوری قوت نال شدت نال حملہ آوراے تے ایہ اج توں نہیں 2014توں ہورہیا اے، ایہ وہی لوگ نیں جنہاں نے سپریم کورٹ دے سامنے گندے کپڑے لٹکائے سن۔مریم نواز نے آکھیا کہ زمان پارک وچ ویکھے جان والے منظرکَدی نہیں ویکھے، پنجاب پلس اپتے جس طرح حملہ کیتا گیا ایہ ریاست دے خلاف کھلے عام بغاوت اے رحیم یارخان کچے دے علاقے تے زمان پارک وچ جو کجھ ہورہیا اے اوس وچ کوئی فرق نہیں، کچے دے علاقے والے وی پوری قوت نال پلس اُتے حملہ کردے نیں ۔عمران خان عورتاں تے بالاں نوں استعمال کررہیا اے، ریاست بیک فٹ اُتے ایس لئی خون خرابہ نہیں چاہندی، ہُن ریاست نوںاداریاں دے نال سرجوڑکربیٹھ کے ایس دی جماعت نوںاک کالعدم جماعت اُتے ڈیل کیتا جانا چاہیدا اے،اگرایہ نہیں ہُندا تے ایس حکومت اُتے بوہت وڈا سوال کھڑا ہوئے گا۔مریم نواز نے آکھیا کہ ایہ گل بالکل ٹھیک اے کہ زمان پارک وچ ات گرد چھپے ہوئے نیں جنہاں دیاں تصویراں وی ویکھیاں نیں، عوام دی حفاظت کرنا وی ساڈی ذمہ داری اے، تحریک انصاف معصوم لوکاں نوں استعمال کررہی اے، ایسے لیڈرنوں شرم آنی چاہیدی اے جیہڑی خود چھپ کے بیٹھا اے، اگرمیرا والد اینج ہُندا تے میرے لئی شرم دی گل اے، لیڈرتے فرنٹ اُتے آکرلیڈ کردا اے۔اوہناں نے آکھیا کہ پی ٹی آئی اک سیاسی نہیں عسکری جماعت اے جیہڑی غیرملکیاں دے تعاون نال خانہ جنگی داایجنڈا لے کے چل رہی اے، اک شخص نے قنون نوںجُتی تھلے رکھیا ہویا اے، اج وی ایس دے وارنٹ معطل ہوگئے نیں، کیا ایہی سہولت نوازشریف تے باقی جماعتاں نوں حاصل اے تفریق کیوں اے۔