50ورھے سیاست کر دیاں ہوگئے،اینج دے پیچیدہ حالات نہیں ویکھے،چودھری شجاعت

اسلام آباد (پنجابی میڈیاگروپ) مسلم لیگ (ق) دے سربراہ چوہدری شجاعت حسین دی زیرصدارت اجلاس وچ چوہدری سرورنوں پنجاب دا صدرتے چوہدری شافع حسین نوں سیکرٹری جنرل منتخب کر لیاجدکہ سابق وزیراعظم چوہدری شجاعت حسین نے آکھیا اے کہ50 ورھے سیاسی سفرکر دیاں ہو گئے، اینہے پیچیدہ حالات نہیں ویکھے،سیاستدان بَلدی اگ اُتے پانی پان،ملک جلاو، گھیرائو دا متحمل نہیں ہو سکدا۔ اتوار نوں جار ی اعلامیہ دے مطابق مسلم لیگ دی مرکزی و صوبائی جنرل کونسل دا سانجھا اجلاس چوہدری شجاعت حسین دی زیر صدارت ہویا جس وچ طارق بشیر چیمہ،چوہدری سالک حسین، مسز فرخ خان،طارق حسن،رضوان صادق،دلفرازخان سنے چاراں صوبیاں توں پارٹی رہنماواں رَلت کیتی ۔صوبائی کونسل نے چوہدری سرور نوں پنجاب دا صدر ،چوہدری شافع حسین نوں جنرل سیکرٹری منتخب کر لیا۔صوبائی انٹرا پارٹی الیکشن کمیشن دے چیئرمین مصطفیٰ ملک نے چوہدری سرور تے چوہدری شافع حسین دے بلامقابلہ منتخب ہون دا اعلان کیتا۔ اجلا س وچ فیصلہ کیتاگیاکہ چوہدری سرور پارٹی دے مرکزی چیف آرگنائزر وی ہون گے۔