زمان پارک آپریشن : پی ٹی آئی کارکناں اُتے 3 مقدمے درج
لہور( پنجابی میڈیاگروپ) تحریک انصاف دے چیئرمین عمران خان دی رہائشگاہ زمان پارک جان والی پلس ٹیم اُتے حملے دے3 مقدمے درج کرلئے گئے ۔انسپکٹر ذوالفقارعلی دی مدعیت وچ تھانہ ریس کورس وچ 2 مقدمے درج کیتے گئے جنہاں وچ اتگردی، ناجائز اسلحہ، اقدام قتل سنے سنگین دفع شامل کیتیاں گئیاں نیں۔مقدمے دے متن دے مطابق پی ٹی آئی کارکناں دے پتھرائونال ڈی ایس پی سنے13پلس اہلکار زخمی ہوئے۔ مقدمے وچ102ملزم نامزد کیتے گئے تے76نوں گرفتار کیتا گیا اے۔ ایف آئی آر دے مطابق پی ٹی آئی دے کارکناں توں8 رائفلاں، سینکڑاں گولیاں تے پیٹرول بم برآمد کیتے گئے۔ پی ٹی آئی دی سینئر قیادت نے علاقہ غیر توں مشکوک مسلح افراد بلوا رکھے سن ۔ پی ٹی آئی کارکناں دے خلاف تیجامقدمہ وی تھانہ ریس کورس وچ درج کیتا گیا۔
