زمان پارک لیڈردا گھرنہیں ، اَت گرددامورچہ سی،مریم اورنگزیب
لہور( پنجابی میڈیاگروپ)وفاقی وزیر اطلاعات و نشریات مریم اورنگزیب نے آکھیا اے کہ زمان پارک سیاسی جماعت دے لیڈردا گھرنہیں ات گرد دامورچہ سی ، سیاستدان سیاستداناں نال گل کردے نیں ، اتگرداں نال گل بات نہیں ہُندی ،عمران خان سیاسی اتگرد نہیں بلکہ اتگرد اے ،انصاف دی محافظ عدالت ہندی اے تے عدالت دی محافظ پلس ہُندی اے تے جیہڑی پلس عدالت دی حفاظت کردی اے اوس دی رٹ نوں عدالتاں کمپرو مائز کرے گی تے فیر ملک وچ خانہ جنگی ہوئے گی ، ہر گلی دا اپنا قنون ہوئے گا، ایس ملک دے اندر گلی توں جتھے نکلاں گے، ہر گلی توں غنڈے اتگرد نکل کے عدالتاں تے ریاست اُتے حملہ آور ہون گے، ایہ خیال اے کہ اگر لاڈلے نوں تحفظ دے کے رعایت دے کے ملک وچ قنون دی بالا دستی ہوئے گی تے ایہ تہاڈی غلط فہمی اے ،جو ہو رہیا اے اوس اُتے انصاف دی قنون دی تے عدلیہ دی پر اسرار خموشی ملک لئی خطرہ بن دی جارہی اے ،جیہڑے ملک نوں ٹکڑے ٹکڑے کرن دی گل کردا سی اوہ اج اپنے عمل نال ٹکڑے کر رہیا اے، اج ملک وچ آئین ،قنون نوں ریاست دی رٹ نوں ٹکڑے ٹکڑے کر رہیا اے تے عدالتاں توں ریلیف دا بنڈل پیکج لے کے جارہیا اے۔
