غیر قنونی آپریشن وچ ملوث پلس افسراں اُتے پرچے درج کرارہے ہاں، فوادچودھری

اسلام آباد (پنجابی میڈیاگروپ)تحریک انصاف دے رہنما فواد چودھری نے آکھیا اے کہ اوہ پلس آفسر جنہاں نے پچھلے دناں غیر قنونی آپریشن کیتا تے تشدد وچ ملوث ہوئے اوہناں اُتے پر چے درج کرارہے نیں۔ تحریک انصاف دے رہنما فواد چودھری نے سماجی رابطے دی ویب سائٹ ٹوئٹر اُتے جاری بیان وچ آکھیا اے کہ لہور ہائی کورٹ دے فیصلے نوں ہوا وچ اڑا کے عمران خان دی رہائش گاہ وچ پلس داخل ہوئی تے چادر تے چاردیواری دے ہر اصول نوں پامال کیتا گیا۔اوہناں نے آکھیا کہ چوری کیتی گئی،جوس دے ڈبے تک چُک کر لے گئے تے معصوم لوکاں نوں تشدد دا نشانہ بنایا گیا تے جو کجھ اسلام آباد وچ ہویا ، ایہ سارے واقعات پاکستان وچ جاری آئینی بحران دا شاخسانہ نیں۔ رہنما تحریک انصاف نے آکھیا کہ عدالتی حکم نوں ہوا وچ اڑانا ناقابل معافی اے ، ہائی کورٹ اپنے فیصلیاں اُتے پہرہ دیون۔