اسلام آباد: تحریک انصاف دے کارکناں اُتے مقدمہ درج

اسلام آباد(پنجابی میڈیاگروپ) وفاقی دارالحکومت اسلام آباد وچ عمران خان دی توشہ خانہ کیس وچ پیشی اُتے توڑپھوڑ دا مقدمہ تھانہ کاؤنٹر ٹیررازم ڈیپارٹمنٹ (سی ٹی ڈی) وچ درج کرلیا گیا۔ مقدمہ اَت گردی سنے10 جرماں دیاں مختلف دفع دے تحت درج کیتاا گیا اے، مقدمہ پی ٹی آئی دے50 دے نیڑے گرفتار ورکراں تے مطلوب رہنماواں اُتے درج کیتا گیا اے ۔ مقدمے وچ علی امین گنڈاپور، مراد سعید، عامرکیانی، اسد قیصر، شبلی فراز، اسد عمر، عمر ایوب، علی اعوان تے حسان نیازی سنے17 رہنماواں نوں نامزد کیتا گیا اے ۔ ایف آئی آر دے مطابق پلس چیک پوسٹ نوں نقصان پہنچایا گیا، جوڈیشل کمپلیکس دا مین گیٹ تے شیشے توڑے گئے، جلاؤ گھیراؤ، پتھراؤ تے جوڈیشل کمپلیکس دی عمارت دیاں چیزاں توڑن والے ملزم گرفتار کیتے گئے، پلس دیاں 2 گڈیاں،7 موٹر سائیکلاں نوںساڑیا گیا۔