کراچی: سانحہ رضویہ دے مرکزی ملزم جاوید تے ساتھی دا اک روزہ جسمانی ریمانڈ منظور

کراچی: کراچی دی مقامی عدالت نے سانحہ رضویہ دے مرکزی ملزم جاوید عرف پورشن تے ساتھی یونس دا اک روزہ جسمانی ریمانڈ منظور کر لیا۔ کیس وچ ایس بی سی اے دے گرفتار 3ملازمین ریمانڈ تے نیں۔ سٹی کورٹ وچ رضویہ سوسائٹی وچ عمارت ڈگن بارے کیس دی سنوائی ہوئی۔

پلس نے ملزم بلڈر جاوید عرف پورشن تے ساتھی یونس نوں عدالت وچ پیش کیتا۔ عدالت نے ملزماں دا اک روزہ جسمانی ریمانڈ منظور کر لیا۔ صحافیاں نال گل کردیاں ملزم جاوید آکھیا سندھ بلڈنگ کنٹرول اتھارٹی والے سکوائر فٹ، فلور دے حساب نال رشوت لیندے سن جہڑے افسراں نوں گرفتار کیتا گیا، اوہناں نوں نہیں جاندا۔ غیر قنونی تعمیرات لئی میں ضلع وسطی دے افسراں نوں رشوت دتی سی۔

عمارت ڈگن وچ میرا کوئی قصور نہیں اے ۔ ایس ویلے ایس بی سی اے افسران اک توں ڈیڑھ لکھ روپے رشوت لیندے سن۔ پلس نے ملزماں نوں پنجاب توں گرفتار کیتا سی۔