ایران توں آن والے 1900زائرین تفتان توں کوئٹہ منتقل

تفتان: بلوچستان وچ ایران توں آن والے 1900پاکستانی زائرین نوں قرنطینہ دی 14دن دی مدت پوری ہون تے تفتان توں کوئٹہ منتقل کر دتا گیا۔ ایہناں زائرین نے اپنے قرنطینہ دی 14روزہ مدت پوری کر لئی سی۔

اسسٹنٹ کمشنر تفتان دے مطابق ایران توں پاکستانی زائرین دی آمد دا سلسلہ جاری اے تے ہور 227زائرین تفتان اپڑ گئے نیں۔ ہن تک ایران توں آن والے پاکستانیاں دی تعداد6ہزار توں ودھ ہو چکی اے۔ اودھر چمن وچ زیرو پوائنٹ تے پاک افغان باب دوستی بارہویں دیہاڑ وی بند اے۔

کسٹم حکام دے مطابق سرحد دی بندش دی وجہ توں نہ صرف نیٹو سپلائی تے افغان ٹرانزٹ ٹریڈ سنے ہر قسم دی تجارتی سرگرمیاں معطل نیں، ایہدے نال نال پیدل آمدورفت تے ایف آئی اے امیگریشن وی بند اے۔