علی امین گنڈاپور نے حفاظتی ضمانت لئی پشور ہائیکورٹ نال رجوع کرلیا

پشور( پنجابی میڈیاگروپ)پاکستان تحریک انصاف دے رہنما و سابق وفاقی وزیر علی امین گنڈاپور نے بھکر دی داجل چیک پوسٹ اُتے ہنگامہ آرائی کیس وچ حفاظتی ضمانت لئی پشور ہائیکورٹ ڈیرہ اسماعیل خان بینچ نال رجوع کرلیا۔پلس دے مطابق علی امین گنڈاپور نے ڈیرہ اسماعیل خان جاندیاں ہویاں داجل چیک پوسٹ اُتے مبینہ ہنگامہ آرائی کیتی، اوہناں نوں چیکنگ لئی روکیا گیا تے اوہناں نے چیک پوسٹ اُتے ہنگامہ کیتا ۔ شراب دے نشے وچ پی ٹی آئی رہنما علی امین گنڈا پوردا چیک پوسٹ اُتے حملہ: پلیس دا کہنا اے کے پی دے پنجاب سرحد چیک پوسٹ اُتے ساریاں گڈیاں دی انٹری کیتی جاندی اے، چیک پوسٹ اُتے ہنگامہ آرائی دے بعد علی امین گنڈاپور فرار ہوگئے۔پلس نے علی امین گنڈا پوراُتے ہنگامہ آرائی دا مقدمہ درج کیتا اے۔ پی ٹی آئی رہنما نے پشور ہائیکورٹ ڈی آئی خان بینچ وچ حفاظتی ضمانت لئی درخواست دائر کیتی اے۔ہائیکورٹ نے امین گنڈا پوردی حفاظتی ضمانت دی درخواست سماعت لئی منظور کرلئی تے ڈی آئی خان بینچ وچ درخواست اُتے کل سماعت ہوئے گی۔