سرکلر ریلوے کی بحالی ، وفاقی حکومت سے تعاون کرنے کا حکم

کراچی: سپریم کورٹ نے تجاوزات دے خلاف آپریشن تے سرکلر ریلوے دی بحالی بارے 15ورقیاں تے مشتمل تحریری عبوری حکم نامہ جاری کر دتا۔

سپریم کورٹ دے تحریری حکم نامے دے مطابق سرکلر ریلوے دی بحالی لئی سارے وسائل بروئے کار لیائے جان، سرکلر ریلوے ٹریک دی بحالی تے جدید سگنلز لائے جان، 24ریلوے پھاٹک تے ٹریفک جام نال نبڑن لئی جامع پلان مرتب کیتا جاوے جتھے لوڑ ہووے، انڈر پاس بنائے جان، گرین لائن، اورنج لائن سنے دوجے ٹریفک منصوبیاں نوں وی پورا کیتا جاوے، سرکلر ریلوے نوں سی پیک دے مطابق اپ گریڈ کرن لئی وی منصوبہ بندی جاری رکھی جاوے۔

ایڈووکیٹ جنرل کہہ چکے نیں سندھ حکومت ہر حال وچ ریلوے دی معاونت کرے گی، تحریری حکم نامے وچ وفاقی حکومت نوں سرکلر ریلوے دی بحالی وچ پورا تعاون کرن دی ہدایت کیتی گئی اے۔