سرکار کرونا وائرس نوں سنجیدہ نہیں لے رہی اے: سراج الحق
گوجرانوالہ: امیر جماعت اسلامی سینیٹر سراج الحق دا کہنا اے سرکار نے کسے وی شے وچ اپوزیشن نوں اعتماد وچ نہیں لیا، حکومت کرونا وائرس نوں سنجیدہ نہیں لے رہی اے۔
گوجرانوالہ و چ میڈیا نال گل کردیاں سراج الحق دا کہنا سی ملک ایس ویلے بے شمار مسئلیاں دا شکار اے، سرکاری اعداد و شمار دس رہے ملک وچ ہر دیہاڑ وائرس ودھ رہیا اے، حکومت نے ایس بارے جہڑے اقدام کیتے نیں ایہدا لوکاں نوں علم نہیں اے۔
اوہناں دا کہنا سی حکومت نے کسے وی شے وچ اپوزیشن نوں اعتماد وچ نہیں لیا، حکومت کرونا وائرس نوں سنجیدہ نہیں لے رہی اے، حکومت نے ویلے سر انتظامات نہیں کیتے جہدی وجہ توں لوکاں وچ خوف ودھیا، حکومت کرونا وائرس نال نبڑن دی بجائے اپوزیشن نال لڑ رہی اے، حکومت نوں چاہیدا اے کرونا وائرس دے چیلنج نوں قبول کردیاں ہوئیاں ایہدے نال نبڑن لئی اقدامات کرے۔
امیر جماعت اسلامی دا کہنا اے نیب پہلاں لوکاں توں تحقیقات کرے فیر گرفتاری عمل وچ لیاوے، اسیں سیاسی انتقام دے حامی نہیں آن، نیب ناکافی شواہد دی بنیاد تے سیاسی لوکاں نوں گرفتار کر لیندی اے۔
