کرونا دے خدشات، پنجاب حکومت دی 300سکریننگ کیٹس خریدن دی منظوری
لہور: کرونا وائرس دے پھیلاؤ دے خدشات دی وجہ توں پنجاب حکومت نے 300سکریننگ کٹس تے وینٹی لیٹرز خریدن دی منظوری دے دتی۔
پنجاب حکومت ولوں کرونا وائرس نال نبڑن دے معاملے تے وزیراں تے بیورو کریسی دا مشترکہ اجلاس ہویاجہدے وچ 6وکھو وکھ سیکٹرز توں ماہرین دی خدمات لین دا فیصلہ کیتا گیا۔ ماہرین صحت، ڈاکٹراں، پیرا میڈیکل سٹاف، علمائ، ماہر نفسیات تے وکیلاں دی خدمات لئی جان گیاں۔
قنون نافذ کرن والے اداریاں، اساتذہ دی وی خدمات لئی جان گیاں۔ ماہرین شہریاں نوں وائرس نال نبڑن لئی آگاہی مہم وچ حصہ لین گے۔
چیف سیکرٹری پنجاب اعظم سلیمان آکھیا ایمرجنسی دا مقابلہ کرن لئی سب نوں اپنا اپن کردار ادا کرنا ہووے گا، افسراں سارے حفاظتی اقدامات دی ایڈوائزری تے پوری طرح عملدرآمد کرن۔ صوبائی وزیراں دا کہنا سی ایڈوائزری تے عملدرآمد کرن تاں جے ہر شہری ایس بیماری توں محفوظ رہ سکے۔
