مسلم لیگ(ن) دا عمران خان دی کرپشن عوام سامنے لیان دافیصلہ

لہور( پنجابی میڈیاگروپ) پاکستان مسلم لیگ(ن) نے سابق وزیر اعظم وپارٹی قائد نوازشریف دے خلاف غیر منصفانہ تے انتقامی فیصلے تے گواہیاں عوام سامنے لیان دا فیصلہ کر لئیا ، عمران خان دی کرپشن تے اوہناںنوں سہولت دین والیاںبارے حقائق وی عوام سامنے دی حکمت عملی تیار کر لئی گئی،اجلاس وچ فیصلہ کیتا گیا کہ عمران خان دے دور وچ ملک کِنج معاشی طور اُتے تباہ ہویا ایس حوالے نال عوام نوں دسیا جائے گا۔مسلم لیگ (ن) دی سینئر نائب صدر و چیف آرگنائزر مریم نواز دی زیر صدارت پارٹی ترجماناں دا اجلاس ہویا جس وچ مجموعی سیاسی صورتحال اُتے تبادلہ تے آئندہ دے حوالے نال حکمت عملی بارے مشاورت کیتی گئی ۔ اجلاس وچ فیصلہ کیتا گیا کہ عمران خان نوں سہولت دین والیاں تے عمران خان دی ہر طرح دی کرپشن تے بد عنوانیاں نوں ہر سطح اُتے سامنے لیایاجائے گا ، عمران خان دے حوالے نال سارے حقائق قوم سامنے لیائے جان گے جس لئی ساریاں ترجماناں نوں ذمہ داریاں تفویض کردتیاں گئیاں ۔اجلاس وچ پارٹی پالیسی نوں وی عوام سامنے رکھن دا فیصلہ کیتا گیا ۔ اجلاس نال خطاب کردیاں ہویاں مریم نواز نے آکھیا کہ عمران خان پاکستان دا ماضی بن چکیا اے۔