عمران خان اپنا غصہ تھوکن تے عدلیہ نوں فیصلہ کرن دین، قمرزمان کائرہ

اسلام آباد (پنجابی میڈیاگروپ)وزیراعظم مشیر برائے امور کشمیر و گلگت بلتستان قمر زمان کائرہ نے آکھیا اے کہ الیکشن کمیشن ولوں 8 اکتوبر دی دتی گئی تریخ منطقی اے تے ملک وچ استحکام تے افراتفری توں بچن لئی اک درست فیصلہ اے، صاف شفاف الیکشن لئی ملک وچ امن و امان دا ہونا وی ضروری اے، الیکشن کمیشن ملک وچ ٹھہرائو لئی اگر اک ہی ویلے وچ الیکشن کرانا چاہندا اے تے ایس منطق وچ وزن اے، ملکی مسائل دے حل لئی اجتماعی دانش تے کوششاںدی لوڑ اے، جذباتی تے ہیجانی کیفیت وچ کیتے گئے فیصلے ملک لئی نقصان دہ نیں،عمران خان اپنا غصہ تھوکن تے عدلیہ نوں فیصلہ کرن دین،عدلیہ دے جملیاں توں وی اینج دا تاثر نہیں جانا چاہیدا کہ اوہ کسی اک فریق نوں سپورٹ کر رہے نیں۔ پیر نوں میڈیانال گل بات کردیاں ہویاں قمر زمان کائرہ نے آکھیا کہ ایس ویلے ملک اندر اک ہیجانی کیفیت اے، ہر پاسے غصہ پایا جاندااے، ایس غصے تے ہیجان وچ مکالمہ غصے دا شکار اے۔