ڈائریکٹر ترکش کلچرل سنٹر ایرن سوگلو دی نازیہ جبیںنال ملاقات

لہور(پنجابی میڈیا گروپ)ڈائریکٹر ترکش کلچرل سنٹر ایرن سوگلو نے ایگزیکٹوڈائریکٹر نازیہ جبیں نال ملاقات کیتی،دونوں اعلی عہدیداراں دے وچکار اہم امور اُتے تبادلہ خیال کیتا گیا۔ملاقات وچ دوطرفہ ادبی وثقافتی تعلقات نوں مضبوط تر بنان دا عہد کیتا گیا۔ایگزیکٹوڈائریکٹر الحمرا نازیہ جبیں نے ڈائریکٹر ترکش کلچرل سنٹر ایرن سوگلو نوں الحمرا وچ خوش آمدیداکھیا۔نازیہ جبیں نے ملاقات نوں خوش آئند قرار دیندیاں ہویاں آکھیا کہ الحمرا ترکش مصوراںدے کم اُتے مبنی عظیم الشان نمائش دی میزبانی کرئے گا ، الحمرا لئی اسلامی فن و ثقافت دی ترویج و ترقی اعزاز دی گل اے۔ ڈائریکٹر ترکش کلچرل سنٹر ایرن سوگلونے الحمرا نوں آرٹ دے اظہاردا بہترین مقام قرار دیندیاں ہویاں آکھیا کہ الحمرا پاکستان تے ترکش آرٹ دے تبادلہ دی مثالی جگہ اے ۔ ملاقات وچ الحمرا تے ترکش کلچرل سنٹر دے وچکار ایم او یو کرن دا فیصلہ کیتا گیا۔ملاقات دے اختتام اُتے ایگزیکٹوڈائریکٹر نازیہ جبیں نے ایرن سوگلو نوں سوونیئر دتا۔