سول ایوی ایشن نے ایئر پورٹاں دے نیڑے اک توں ودھ بندے جمع ہون تے پابندی لا دتی

کراچی: سول ایوی ایشن اتھارٹی نے ہور سخت اقدامات کردیاں ایئر پورٹاں تے آلے دوالے اک توں ودھ بندیاں دے جمع ہون تے پابندی لاگو کر دتی۔

کرونا وائرس دی روک تھام تے پھیلاؤ نوں روکن دا معاملہ، سول ایوی ایشن اتھارٹی ولوں ہور سخت اقدامات کیتے گئے نیں جہناں دے تحت ایئر پورٹاں تے آلے دوالے اک توں ودھ بندے دے جمع ہون تے پابندی لا دتی گئی اے جد کہ مسافراں نوں چھڈن تے لین لئی اک بندے نوں اجازت ہووے گی۔

سی اے اے تے ایئر پورٹ سکیورٹی فورس نوں وی احکامات جاری کر دتے، وزیٹر ایئر پورٹ تے داخلے تے پابندی ہووے گی، سول ایوی ایشن اتھارٹی ایئر پورٹ داخل ہون والے مسافراں تے عملے دی سکریننگ نوں لازمی قرار دتا گیا۔