قنون سازی دے خلاف صدر نوں آئینی ریفرنس سپریم کورٹ گھلنا چاہیدا اے:بابراعوان

لہور(پنجابی میڈیاگروپ)معروف قنون دان بابر اعوان نے آکھیا اے کہ13جڑی بوٹیاںتے 22 لوٹیاں نے جیہڑا کم کیتا اوہ غیر آئینی اے،صدر اوس نوں واپس کر سکدے نیں یا سپریم کورٹ نوں ریفرنس گھل سکدے نیں ۔ چیئرمین پاکستان تحریک انصاف عمران خان نال ملاقات دے بعد گل کردیاں ہویاں بابر اعوان نے آکھیا کہ غیر نمائندہ اسمبلی وچ13زہریلی جڑی بوٹیاں تے 2درجن لوٹیاں نوں اکٹھا کیتا گیا اے، ایہ اگر بل بناندے وی نیں تے صدر کول جائے گا اوہناںکول 2 اختیارات نیں، صدر آئینی ریفرنس سپریم کورٹ دے کول گھل سکدے نیں، میرے توں اگر پچھیا گیا تے آکھاں گا ایہ ریفرنس ضرور گھلن ۔ بابر اعوان نے ہورآکھیا کہ ریفرنس وچ سپریم کورٹ توں پچھیا جائے گا کیا ایہ بل تہانوں منظور اے تہاڈی ایس اُتے کیہ رائے اے، صدردے کول ایہ رستہ وی اے کہ آئین دے آرٹیکل 1843 دی ترمیم ماتحت قنون سازی نال نہیں ہو سکدی، آئین وچ آرٹیکل 238 تے 239 موجود اے، آئین وچ لکھیا ہویا اے کہ ایہ آئینی ترمیم اے، اک دفعہ ضیاء الحق دا نام آگیا سی جس نوں کَڈن لئی کئی ورھے لگے۔