الیکشن توں نَسن والا جمہوری نظام نوں ختم کرن دی بنیاد رکھے گا‘شیخ رشید

لہور (پنجابی میڈیاگروپ)سربراہ عوامی مسلم لیگ وسابق وزیر داخلہ شیخ رشید نے آکھیا اے کہ 90دناں وچ الیکشن آئین دا اٹل فیصلہ اے، جیہڑا وی ایس توں نَسے گا جمہوری نظام نوں ختم کرن دی بنیاد رکھے گا۔اوہناں نے سماجی رابطے دی ویب سائٹ ٹوئٹر اُتے اپنے پیغام وچ آکھیا کہ50فیصد مہنگائی تے83فیصد پاکستانیاں دی بے روزگاری ودھنا تشویشناک اے، پہلے حکومت تے اپوزیشن وچ تصادم سی ہُن حکومت پارلیمنٹ نوں عدلیہ دے نال تصادم وَل لے کے جا رہی اے، سارا ملک تقسیم تے تفریق ہو گیا اے ۔اوہناں نے آکھیا کہ ملک انارکی تے خانہ جنگی وَل جا رہیا اے، اہم فیصلے کرنے ہون گے ورنہ ایہ کھیڈ ہور دیر نہیں چل سکدا، مسئلہ پیسے تے سکیورٹی دا نہیں نیت دا اے کیونکہ حکومت توں لوکاں دی نفرت ایس جگہ اپڑ گئی اے۔