پارلیمنٹ دی قنون سازی دا ازخودنوٹس کیس اُتے کوئی اثرنہیں پئے گا،اعترازاحسن

لہور( پنجابی میڈیاگروپ)پاکستان پیپلزپارٹی دے مرکزی رہنما و سینئر قنون دان اعتزازاحسن نے آکھیا اے کہ پارلیمنٹ وچ کیتی گئی قنون سازی دا ازخودنوٹس کیس اُتے کوئی اثرنہیں پئے گا،5،3دا فیصلہ اوتھے دا اوتھے رہے گا ایس اُتے عمل کرنا پئے گا ۔میڈیا نال گل کردیاں ہویاں اعترازاحسن نے آکھیا کہ چیف جسٹس نے ازخودنوٹس آئین دے آرٹیکل184دے سب سیکشن3دے تحت لئیا، یکم مارچ داعدالتی فیصلہ3،2 دی اکثریتی رائے نال برقرار رہے گا ، پنجاب تے خیبر پختوانخواہ دے الیکشن اوہناں نوں 90دناں وچ کرانا پین گے، یکم مارچ دے فیصلے اُتے 3،2 نال 5 ججاں دے دستخط نیں ، کوئی ایہ نہیں کہہ سکدا تے اسیں تے 7 ساں۔ اوہناں نے آکھیا کہ جسٹس منصورعلی شاہ تے جسٹس مندوخیل پہلاں ہی کہہ چکے کہ یکم مارچ دا فیصلہ دے چکے ہاں۔