توہین عدالت توں وڈا جرم توہین آئین تے توہین پارلیمنٹ اے، طلال چوہدری

اسلام آباد(پنجابی میڈیاگروپ)پاکستان مسلم لیگ (ن )دے رہنما طلال چوہدری نے آکھیا اے کہ توہین عدالت توں وڈا جرم توہین آئین تے توہین پارلیمنٹ اے ۔ فواد چوہدری دے بیان اُتے ردعمل دیندیاں ہویاں اوہناں نے آکھیا کہ کَدوںتک توہین آئین تے توہین پارلیمنٹ اُتے گل بات کرن اُتے توہین عدالت توں ڈران گے۔طلال چوہدری نے آکھیا کہ ساہنوں توہین عدالت توں نہ ڈران ، توہین عدالت اُتے اسیں سزاواں بُھگت چکے ہاں ہُن کوئی ہور گل کرو۔واضح رہے کہ پاکستان تحریک انصاف دے رہنما فواد چوہدری نے اپنے اک بیان وچ آکھیا سی کہ مریم اورنگزیب تے رانا ثناء اللّٰہ نے آرٹیکل 68 دی خلاف ورزی کیتی، دوناں نے زیر التواء مقدمے اُتے اثرانداز ہون دی کوشش کیتی اے۔