مفت آٹا سکیم :25ارب دی کرپشن دا سکینڈ ل سامنے آئے گا،جمشید اقبال چیمہ

لہور(پنجابی میڈیاگروپ) پاکستان تحریک انصاف دے مرکزی رہنما ، فوکل پرسن فوڈ سکیورٹی و خصوصی اقدامات جمشید اقبال چیمہ نے آکھیا اے کہ پہلاں ہی دسی دتا سی کہ اسیں قحط وَل جا رہے ہاں تے ہُن اپنیاں آکھاں نال قحط ویکھ رہے ہاں ،کنک ہُندیاں ہویاں وی لوگ آٹے لئی اپنیاں جاناں دے رہے نیں،مفت آٹا سکیم وچ حکومت دا25ارب روپے دی کرپشن دا سکینڈل سامنے آئے گا،مختلف وجہ دی بناء اُتے اگلے ورھے ساہنوں40لکھ ٹن گندم درآمد کرن دی لوڑ ہوئے گی جس لئی ڈیڑھ توں2ارب ڈالرزچاہیدے نیں ،مفرور شخص کہ رہیا اے کہ اسیں سپریم کورٹ دا فیصلہ نہیں مناں گے تُسی سپرم کورٹ دا فیصلہ نہ منن والے ہُندے کون او،تہاڈی سیاسی طبعی عمر پوری ہو چکی اے، ہُں تک جنہے وی سرویز آئے نیں تحریک انصاف الیکشن دی صورت وچ80فیصد نشستاں اُتے جت رہی اے،پیپلز پارٹی والے جیہڑے درمیانی آواز وچ بولدے نیں اوہناںکول پورے پنجاب وچ صرف اک سیٹ اے ۔پارٹی دے جیل روڈ آفس وچ پریس کانفرنس کردیاں ہویاں جمشید اقبال چیمہ نے آکھیا کہ جَد اسیں گئے تے آٹا 59 روپے کلو سی تے ایس ویلے آٹا133توں158روپے کلو وِک رہیا اے۔