3ججاں خلاف ریفرنس دائر کرن دا نتیجہ صفر نکلے گا،شیخ رشید

پنڈی(پنجابی میڈیاگروپ)سابق وزیر داخلہ شیخ رشید ہوراں آکھیا کہ سپریم کورٹ دے 3 ججاں دے خلاف ریفرنس دائر کرن دا نتیجہ وی زیرو نکلے گا ۔ سماجی رابطے دی ویب سائٹ ٹویٹر اُتے شیخ رشید نے آکھیا کہ 3 جسٹس دے خلاف ریفرنس دے معاملے دا بیان رانا ثناء اللہ ورگا شخص ہی دے سکدا اے، اینہاں ججاں نے پی ٹی آئی دے خلاف وی فیصلے دتے سن لیکن ایس دا مطلب ایہ نہیں کہ من پسند فیصلے ججاں توں لئے جان ۔اوہناں نے آکھیا کہ حکومت دا الیکشن توںفرار ہونا، عدلیہ اُتے دباؤ پانا تے غریباں داآٹے لئی جان دینا ایہ سب خطرے دی علامت نیں جدکہ عدلیہ ریڈ لائن اے ۔ شیخ رشید احمد نے آکھیا کہ8اکتوبر تے دور دی گل ایہ8جون دادن وی نہیں ویکھن گے،90دناں وچ پنجاب تے کے پی دیاں نگراں حکومتاں وی ختم ہو جان گیاں۔