خاتون جج نوں دھمکیاں دین والے3ججاں دے ترجمان بن گئے نیں،رانا ثنا اللہ

اسلام آباد(پنجابی میڈیاگروپ)پاکستان مسلم لیگ(ن)دے مرکزی رہنما تے وزیر داخلہ رانا ثنا اللہ ہوراںآکھیا اے کہ خاتون جج نوں دھمکیاں دین والے3ججاں دے حامی تے ترجمان بن گئے نیں ۔ سابق وزیر خارجہ شاہ محمود قریشی دے بیان اُتے ردعمل دیندیاں ہویاں وزیر داخلہ رانا ثنا اللہ نے آکھیا کہ ڈبہ پیر، ڈبو، عمران دا ڈاکو تے دانشور انتظاروچ نیں کہ کَدوںعمران نااہل ہوئے تے اوہ پارٹی قیادت سنبھالن ۔اوہناں نے آکھیا کہ زمان پارک دا رنگ باز تے ملتان دا ڈبہ پیر سپریم کورٹ دے اکثریتی ججاں دی رائے دی توہین کر رہے نیں، 2 مداریاں دے ہتھ3ڈگڈگیاں نیں جیہڑیاں اوہ زور زور نال وجا رہے نیں ۔رانا ثنا اللہ نے آکھیا کہ جسٹس قاضی فائز عیسی دے خلاف جھوٹا ریفرنس دائر کرن والیاں نوں عدلیہ تے ججاںدی گل بات کردیاں ہویاں شرم آنی چاہیدی اے، عمران شیطانی ٹولہ ہمیشہ آئین، انصاف تے عوام دے خلاف کھڑا ہُندااے۔وزیر داخلہ دا ہور کہنا سی کہ عدالت اُتے پتھر مارن والے بے شرم، جج نوں گالی تے دھمکی دین والے عدالت دے احترام دا بھاشن دے رہے نیں۔