کرونا وائرس: اسلام آباد ہائیکورٹ دا معمول دے مقدمیاں دی سماعت نہ کرن دا فیصلہ
اسلام آباد: اسلام آباد ہائی کروٹ نے کرونا وائرس دی وجہ توں حفاظتی اقدامات دے تحت معمول دے مقدمیاں دی سماعت نہ کرن دا فیصلہ کیتا اے۔
ضلع کچہری تے خصوصی عدالتاں وچ وی 5اپریل تک صرف فوری نوعیت دے مقدمیاں دی سماعت ہووے گی۔ ایہ اہم فیصلے اسلام آباد ہائیکورٹ کرائسز مینجمنٹ کمیٹی دے اجلاس وچ کیتے گئے۔
اسلام آباد ہائی کورٹ ولوں جاری نوٹیفکیشن دے مطابق ضمانت تے ریمانڈ کیساں لئی ججز جیل وچ سماعت کرن گے۔
اسلام آباد دی عدالتاں دی سول مقدمیاں دی سماعت پنج اپریل تک روک دتی گئی اے۔ خیال رہوے کرونا وائرس پھیلن دے خدشات دی وجہ توں حکومت نے عدلیہ توں سول مقدمیاں نوں ملتوی کرن دی استدعا کیتی سی۔
