پاک فوج پاکستان دے دفاع لئی پُرعزم اے،آرمی چیف
پنڈی(پنجابی میڈیا گروپ)آرمی چیف جنرل عاصم منیر نے آکھیا اے کہ پاک فوج پاکستان دی خودمختاری تے علاقائی سالمیت دے دفاع لئی پرعزم اے۔آئی ایس پی آر مطابق آرمی چیف جنرل عاصم منیر نے ایل اوسی دا دورہ کیتا، ایل او سی پہنچن اُتے کورکمانڈر پنڈی کور نے آرمی چیف دا استقبال کیتا۔آرمی چیف نوں ایل او سی اُتے تعینات فارمیشنز دی آپریشنل تیاریاں اُتے بریفنگ دتی گئی۔ آرمی چیف نے آپریشنل تیاریاں تے بلند حوصلہ برقرار رکھن اُتے افسراں تے جواناں نوں سراہیا، آرمی چیف نے جواناں نوں مستعد رہن تے لگن وخلوص نال فرائض دی ادائیگی اُتے زور دتا۔آرمی چیف نے آکھیاکہ پاک فوج پاکستان دی خود مختاری تے علاقائی سالمیت دے دفاع لئی پُرعزم اے، پاک فوج یو این قرار داداں دے مطابق جموں و کشمیردا حل چاہندی اے، پاک فوج کشمیریاں دی منصفانہ کاز دی حمایت لئی پرعزم اے۔
