چیف جسٹس نے قنون و آئین دی خلاف ورزی کیتی، استعفیٰ دیون:مریم نواز
لہور(پنجابی میڈیاگروپ)پاکستان مسلم لیگ(ن)دی سینئر نائب صدر تے چیف آرگنائزر مریم نواز نے چیف جسٹس آف پاکستان جسٹس عمر عطا بندیال توں استعفے دا مطالبہ کردتا ۔ سماجی رابطے دی ویب سائٹ ٹوئٹر اُتے اپنے پیغام وچ لیگی رہنما مریم نواز نے آکھیا کہ عمران خان دی حمایت وچ چیف جسٹس آف پاکستان جسٹس عمر عطا بندیال نے قنون تے آئین دی خلاف ورزی کیتی ۔ اوہناں نے آکھیا کہ اختیاراں دے غلط استعمال نے سپریم کورٹ وچ بغاوت ورگی صورت حال نوں جنم دتا، نامور ججاں نے چیف جسٹس دے طرز عمل تے تعصب اُتے سنگین سوال چُکے نیں ۔مریم نوازہورآکھیا کہ اج تک کسی چیف جسٹس اُتے ایس قسم دے مِس کنڈکٹ دے الزامات نہیں لگے، چیف جسٹس دا پی ٹی آئی ولوں جھکا نمایاں اے چیف جسٹس عمر عطا بندیال نوں استعفٰی دے دینا چاہیدا اے۔
