ات گرداں دی فائرنگ نال پاک فوج دا جوان شہید،2اتگرد جہنم واصل

پنڈی(پنجابی میڈیا گروپ)شمالی وزیرستان رزمک وچ فورسز تے ات گرداں دے وچکارفائرنگ دے تبادلے وچ پاک فوج دا اک جوان شہید ہوگیا۔پاک فوج دے شعبہ تعلقات عامہ (آئی ایس پی آر) مطابق جنوبی وزیرستان دے علاقے کرما وچ سکیورٹی فورسز تے ات گرداں دے وچکار فائرنگ دے نتیجے وچ فرنٹیر کور خیبرپختونخوا دے نائیک فضل جانان شہید ہوگئے۔نائیک فضل جانان شہید دا تعلق تحصیل و ضلع ہنگو توں اے، نائیک فضل شہید دی عمر32 ورھے سی جنہاں نے سوگواران وچ بیوہ، 2 بیٹے تے3 بیٹیاں چھڈیاں فائرنگ دے تبادلے وچ 1ات گرد نوں جہنم واصل کر دتا گیا۔ترجمان پاک فوج نے دسیا کہ جنوبی وزیرستان دے ضلع کرامہ وچ فورسز تے ات گرداں دے وچکار اک ہور فائرنگ دا تبادلہ ہویا،سکیورٹی فورسز دی مثر جوابی کارروائی وچ1ات گرد ماریا گئیا۔آئی ایس پی آر دا کہنا اے کہ پاکستان دی سکیورٹی فورسز ات گردی دی لعنت نوں ختم کرن لئی پرعزم اے، ساڈے بہادر سپاہیاں دیاں قربانیاں ساڈے عزم نوں ہور مضبوط کردیاں نہیں۔