بازاراں دی بندش نال یومیہ 4ارب روپے دا نقصان ہووے گا: کراچی تاجر اتحاد
کراچی تاجر اتحاد نے کورونا وائرس دی وجہ توں بازاراں دی بندش دے حکم نوں رد کردیاں آکھیا اے مارکیٹاں دی بندش نال یومیہ 4ارب روپے دا نقصان ہووے گا تے غریب مزدور بھوکا رہ جاوے گا۔ سندھ حکومت دے تجارتی مراکز دی بندش دے فیصلے نال تاجراں تے یومیہ دیہاڑی کمان والیاں نوں شدید پریشانی دا ساہمنا اے۔
کراچی تاجر اتحاد دے سربراہ عتیق میر آکھیا شہر دے بازاراں دی بندش نال تاجراں نوں یومیہ 4ارب روپے دا نقصان ہووے گا۔ ملک وچ کورونا وائرس دے مریضاں دی تعداد ودھ کے 251ہو گئی اے تے سب توں ودھ سندھ وچ 181مریض نیں۔
حکومت سندھ نے 15دن لئی سارے مارکیٹاں ، ریسٹورنٹ تے شاپنگ مالز بند کرن دا اعلان کیتا اے۔
