دیس وچ کورونا وائرس دے مریضاں دی تعداد ودھ کے 272ہو گئی

اسلام آباد: دیس وچ کورونا وائرس دے ہور کیسز ساہمنے آ گئے تے مریضاں دی تعداد 272ہو گئی۔ پاکستان وچ جان لیوا کورونا وائرس دے مریضاں دی تعداد وچ مسلسل وادھا جاری اے۔

حکام دے مطابق دیس وچ ہور 35بندیاں دے ٹیسٹاں وچ کورونا وائرس دی تصدیق ہو گئی اے جہدے بعد کل تعداد 272ہو گئی اے۔

چار بندے صحت یاب ہو کے گھراں نوں ٹُڑ گئے نیں تے 268مریض ملک دے وکھو وکھ ہسپتالاں وچ زیر علاج نیں۔

سندھ وچ کورونا وائرس دے مریضاں دی تعداد 183، پنجاب وچ 33، خیبر پختونخوا وچ 19، بلوچستان وچ 16، اسلام آباد وچ 7تے گلگت بلتستان وچ 13اے جد کہ آزاد کشمیر وچ وی کورونا وائرس دا اک مریض ساہمنے آ گیا اے۔

وزیراعظم آزاد کشمیر نے ریاست وچ کورونا مریض دی تصدیق کردیاں دسیا تفتان دے راہیں ایران توں آئے اک شہری وچ کورونا وائرس دی تصدیق ہوئی اے۔