ریڈیو پاکستان دے دو ملازمین کورونا وائرس پارو جاں بحق
اسلام آباد: ریڈیو پاکستان دے ملازمین سینئر براڈ کاسٹ انجینئر محمد اشفاق تے اردو زبان دی نیوز ریڈر ہما ظفر وائرس توںانتقال کر گئے نیں۔سرکاری میڈیا دے مطابق محمد اشفاق ریڈیو پاکستان دے مستقل ملازم سن جدکہ ہما ظفر کنٹریکٹ بنیاد تے کم کرن والے نیوز ریڈر سن تے گزرے 20 سال توں پاکستان براڈ کاسٹنگ کارپوریشن وچ قومی خبراں پڑھ رہیاں سن۔
ہما ظفر نے بیرون ملک توں نفسیات دے مضمون وچ پی ایچ ڈی حاصل کر رکھی سی۔ اطلاعات ونشریات دے وزیر شبلی فراز تے دوجے اعلیٰ حکام نے دوناں ملازمین دے انتقال تے گہرے دکھ تے افسوس تے سوگوار خانداناں توں ہمدردی دااظہار کیتا اے۔
