این ایف سی تشکیل دے خلاف کیس، ہائیکورٹ نے حکومت توں جواب طلب کر لیا

اسلام آباد: اسلام آباد ہائیکورٹ نے دسویں قومی مالیاتی کمیشن دی تشکیل دے خلاف مسلم لیگ (ن) دی درخواست تے وفاقی حکومت توں جواب طلب کر لیا اے۔

عدالت نے قرار دتا اے کہ حقائق دی روشنی وچ جے درخواست مسترد ہوئی درخواست گزار نوں مثالی جرمانہ ہوویگا۔

جسٹس میاں گل حسن اورنگزیب نے مسلم لیگ (ن) دی درخواست تے سماعت کیتی۔

رکن قومی اسمبلی خرم دستگیر دے وکیل محسن شاہ نواز رانجھا نے آکھیا کہ وزیراعلیٰ سندھ نے وی این ایف سی تشکیل تے اعتراضات اٹھائے نیں۔فاضل جج نے ریمارکس دیتے کہ مفروضاں تے نہ جان، حقائق تے گل کرن، اسمبلی دے فلور تے جو توسی حل نہیں کر پاندے، اوہ عدالت لے آندے نیں۔

جسٹس میاں گل حسن اورنگزیب نے آکھیا کہ درخواستگزار دا کیس ایہ ہونا چاہیدا اے کہ مشیر خزانہ نوں مشاورت توں رکن نہیں بنایا گیا۔ محسن شاہ نواز رانجھا نے آکھیا کہ آئین دے مطابق واضع لکھیا اے کہ پاکستان نوں منتخب نمائندے چلان گے۔ عدالت نے دلائل دے بعد فریقین نوں نوٹس جاری کرکے جواب طلب کرلیا۔