اسٹیبلشمنٹ نال معاملات طے پان دا تاثر بالکل غلط اے ، رانا ثنا اللہ

نوازشریف کسی ڈیل نال گئے نہ واپس آرہے ،کوئی پلان بی نہیں ،21اکتوبر نوں ضرور آن گے ،پریس کانفرنس
لہور(پنجابی میڈیا گروپ)پاکستان مسلم لیگ(ن)پنجاب دے صدر و سابق وزیر داخلہ رانا ثنا اللہ خان نے آکھیا اے کہ ایہ تاثر بالکل بے بنیاد تے غلط اے کہ اسٹیبلشمنٹ نال کوئی معاملات طے ہوئے نیں،کیا اسیں پرانے معاملات لے کے بیٹھ جا ئیے، ایہ نہیں ہونا چا ہیدا کہ اسیں اپنے دکھڑے لے کے بیٹھ جا یئے ، ایسی روش نے ملک دا پٹھا بٹھایا اے ،کوئی پلان بی نہیں اے ،نوازشریف 21اکتوبر نوں ضرور آ ن گے، نوازشریف کسی ڈیل نال گئے نہ واپس آرہے نیں،کسی نے کوئی جرم کیتا اے تے کیا اوس نوںایس لئی معاف کر دتا جائے کہ اوس نے الیکشن وچ حصہ لینا اے ،اسیں اشاریاں اتے یقین نہیں رکھدے ساڈھی لیگل ٹیم نوں کیس دے پیش نظر یقین اے کہ نواز شریف نوں ریلیف ملے گا ، ایسے ریلیف بیسیاں لوکاں نوں پہلاں وی ملے نیں ، ساہنوں بغیر کسی اشارے تے گارنٹی دی امید اے ساہنوں ایہ ریلیف ملے گا۔ایہہ گلاں اونہاںنے پارٹی دے مرکزی سیکرٹریٹ ماڈل ٹائون وچ لہور ڈویژن دے رہنماواں دے ہمراہ پریس کانفرنس کردیاں ہویاں کیتیاں۔