نواز شریف انتقام لین لئی نہیں بلکہ پاکستان نوںدوبارہ خوشحال کرن ،ترقی دے رَسے اُتے پان لئی آرہیا اے، شہباز شریف

سازش ذریعے صرف نواز شریف نوں اقتدار توں وَکھ نہیں کیتا گیا بلکہ عوام نوں ترقی و خوشحالی توں محروم کیتا گیا، صدر مسلم لیگ (ن)
لہور( پنجابی میڈیا گروپ) پاکستان مسلم لیگ (ن) دے صدر و سابق وزیر اعظم شہباز شریف نے آکھیا اے کہ نواز شریف انتقام لین لئی نہیں بلکہ پاکستان لئی ، ملک نوں دوبارہ خوشحال کرن تے ترقی دے رَستے اُتے پان لئی آرہیا اے ، سازش ذریعے صرف نواز شریف نوں اقتدار توں وَکھ نہیں کیتا گیا بلکہ عوام نوں ترقی و خوشحالی توں محروم کر دتا گیا ،21اکتوبر نوں پاکستان دا بیٹا واپس آرہیا اے ، عوام نے بھرپور استقبال کر کے ثابت کرنا اے کہ نواز شریف دے نال ظلم و زیادتی کیتی گئی ۔ اپنے حلقے وچ منعقدہ ورکرز کنونشن نال خطاب کردیاں ہویاں شہباز شریف نے رَلتیاں توں مخاطب کردیاں ہویاں آکھیا کہ یاد کرو اوہ دن جَد نواز شریف دے زمانے وچ آٹا 35روپے کلو سی ،چینی 52 روپے کلو سی، پاکستان وچ مہنگائی نام دی کوئی شے نہیں سی ، ایہ نواز شریف دا جرم دی ، عوام دی ترقی و خوشحالی لئی دن رات محنت لئی نواز شریف دا جرم سی،پاکستان نوں ایٹمی طاقت بنایا ،عوام نوں موٹر وے دتی، سڑکاںداجال وچھایا ،عوام دے بالاں نوں سکول تے کالج دتے ،تعلیمی وظائف دتے ایہ نواز شریف دا جرم سی۔