ٹی وی شو جھگڑا کیس: وکیل پی ٹی آئی شیر افضل مروت دی ضمانت منظور

اسلام آباد( پنجابی میڈیا گروپ) سیشن کورٹ اسلام آباد نے ٹی وی شو جھگڑا کیس وچ تحریک انصاف دے وکیل شیر افضل مروت دی ضمانت قبل از گرفتاری دی درخواست منظور کر لئی۔ڈسٹرکٹ اینڈ سیشن کورٹس اسلام آباد وچ ایڈیشنل سیشن جج طاہر عباس نے شیر افضل مروت دی ضمانت قبل از گرفتاری دی درخواست اُتے سماعت کیتی، پی ٹی آئی دے وکیل شیر افضل مروت اپنی قنونی ٹیم دے نال عدالت وچ پیش ہوئے۔شیر افضل مروت دے وکیل عادل قاضی نے موقف اختیار کیتاکہ سینیٹر افنان اللہ نے پہلاں اک درخواست دتی بعدوچ ہور درخواست وچ ایف آئی آر درج ہوئی، دُوجی درخواست وچ دھمکی نوںب وی شامل کیتا گیا، ٹوئٹس وچ سینیٹر افنان اللہ نے آکھیا کہ اوہناں نے شیر افضل مروت نوں ماریا، شیر افضل شوگر دے مریض نیں۔جج طاہر سپرا نے ایس اُتے ریمارکس د تے کہ اگر شیر افضل مروت شوگر دے مریض بنن تے پروگراماں وچ جان دی بجائے شوگردا علاج کروان۔سینیٹر افنان اللہ دے وکیل دا موقف سی کہ شیر افضل مروت دی ویڈیو وی موجود اے جس وچ اونہاں نے تسلیم کیتا کہ اونہاں نے افنان اللہ نوں ماہا،نہن لڑائی دے بعد افنان اللہ نوں جانوں مارن دی دھمکی دتی گئی، عدالت ایس گل نوں وی ویکھے کہ کس نے پہلاں ماریا، سینیٹر افنان اللہ نے ایف آئی آردا اندراج کروا کے قنون دا غلط استعمال نہیں کیتا۔