9 مئی واقعے دی معافی نہیں اے تے نواز شریف دا طیارہ ہائی جیک کس طرح معاف ہوگیا، فیصل واوڈا

فوجی تنصیباں اُتے حملے عارف علوی دی بیعت لے کرہی کیتے جارہے سن، اونہاں دے خلاف وی کیس تیار نیں، سابق وفاقی وزیر
کراچی(پنجابی میڈیا گروپ)سابق وفاقی وزیرفیصل واوڈا نے آکھیا اے کہ9 مئی واقعے دی معافی نہیں اے تو نواز شریف دا طیارہ ہائی جیک کس طرح معاف ہوگیا،فوجی تنصیباں اُتے حملے عارف علوی دی بیعت لے کرہی کیتے جارہے سن، اونہاں دے خلاف وی کیس تیار نیں۔اُچیچی گل بات کردیاں ہویاں فیصل واوڈانے آکھیا کہ جیہڑیاں گلاں 13،14 مہینے پہلاں کیتیاں سن اوہ ساریاں درست ثابت ہورہیاں نیں، لوکاں نوں ہُن احساس ہو رہیا اے، ایس لئی ساہمنے آرہے ہاں۔فیصل واوڈا نے آکھیاکہ عثمان ڈارنے جیہڑیاں گلاں کیتیاں نیں بالکل درست نیں لیکن کجھ نام بھُل گئے، 9 مئی دے واقعے دی کوئی وی صفائی نہیں دے سکدا۔سابق وزیر نے دسیا کہ چیئرمین پی ٹی آئی نوں آکھیا سی تُسی غلط کرن جا رہے او لیکن اوہ نہیں مَنے،میرا تے چیئرمین پی ٹی آئی دااختلاف ایسی گل اُتے ہویا سی کہ تُسی غلط کررہے او۔