پی ٹی آئی نے جو کجھ کیتا اوس وچ کسی نہ کسی طرح اسٹیبلشمنٹ دی ہمدردی رہی،خواجہ آصف

اسلام آباد (پنجابی میڈیا گروپ)پاکستان مسلم لیگ (ن ) دے سینئر رہنما خواجہ آصف نے آکھیا اے کہ چیئرمین تحریک انصاف نے جو کجھ کیتا اوس وچ کسی نہ کسی اسٹیج اُتے اسٹیبلشمنٹ ولوں سیکورئی نہ کوئی ہمدردی رہی۔اک انٹرویو وچ اونہاں نے آکھیا کہ حمزہ شہباز دی حکومت ختم کرنا، چوہدری پرویز الہی دا راتوں رات پلٹ جانا، سب توں وڈھی نشانی ایہ اے کہ آئِین دی نویں تشریح ہو گئی، جس دے نتیجے وچ حمزہ نوں جانا پئیا۔اونہاں نے آکھیا کہ ایس ویلے دی اسٹیبلشمنٹ ہرپاسے کھیڈرہیاں سن، اکتوبر 2021 وچ اونہاں دے آپس وچ اختلاف شروع ہوئے، چیئرمین پی ٹی آئی جنرل فیض حمید نوں تعینات کرنا چاہیندے سن، ایہ جھگڑا آہستہ آہستہ پھیلدا چلا گیا تے انجام عدم اعتماد دے ووٹ اُتے ہویا، لیکن ایہ سلسلہ رکیا نہیں، سب دا ٹارگٹ نومبر 2022 سی، جس وچ نویں آرمی چیف دی تعیناتی ہونی سی۔اونہاں نے آکھیا کہ صدر عارف علوی نے چیئرمین پی ٹی آئی نال ملاقات کرائی، چیئرمین پی ٹی آئی نے جنرل باجوہ نوں آکھیا کہ تاحیات ایکسٹینشن لے لوں، بس مینوں اقتدار وچ واپس لے آئو۔