آئی ایم ایف شرطاں،حکومت دا کھاد فیکٹریاں لئی گیس مہنگی کرن دا فیصلہ

کھاد فیکٹریاں لئی گیس دی قیمت 302 روپے توںودھا کے 580 روپے ایم ایم بی ٹویوہوگئی،ذرائع
اسلام آباد(پنجابی میڈیا گروپ)حکومت نے آئی ایم ایف شرطاں اُتے کھاد فیکٹریاں لئی ایس مہینے نال گیس مہنگی کرن دا فیصلہ کر لئیا۔ذرائع دے مطابق کھاد فیکٹریاں لئی گیس دی قیمت 302 روپے توںوَدھ کے 580 روپے ایم ایم بی ٹو یو ہوگئی تے فیڈاسٹاک لئی کھاد مینوفیکچرراں نوں فی ایم ایم بی ٹی یوگیس 1580روپے وچ ملے گی۔ذرائع مطابق فیڈ اسٹاک لئی کھاد مینوفیکچرراں لئی فی ایم ایم بی ٹی یوگیس 556روپے مہنگی ہوئے گی۔ذرائع دے مطابق کھاد مینوفیکچرر لئی گیس مہنگی کرن اُتے وزارت خزانہ، پیٹرول تے صنعت وپیداوار نے کم شروع کردتا اے ، کھاد مینوفیکچرراں لئی گیس قیمتاں وچ ودھا آئی ایم ایف اقتصادی جائزے توں پہلاں ہوئے گا۔