نواز شریف ملک توں غیر قنونی نَس کے نہیں گئے، وزیراطلاعات

اسلام آباد(پنجابی میڈیا گروپ) نگران وفاقی وزیر اطلاعات مرتضی سولنگی نے آکھیا اے کہ نواز شریف ملک توں غیر قنونی طور اُتے نَس کر نہیں گئے۔ مرتضی سولنگی نے نجی ٹی وی چینل نال گل کردیاں ہو یاں آکھیا کہ الیکشن دی تریخ دینا نگران حکومت دا کم نہیں، الیکشن کمیشن جس تریخ دا اعلان کرے گا، اوس اُتے الیکشن ہون گے۔ مرتضی سولنگی نے آکھیا کہ الیکشن دے محول وچ کسی وی جماعت تے اوس دی قیادت نوں کسی اہم مسئلے اُتے اپنا موقف دین دی آزادی اے، ساریاں رجسٹرڈ سیاسی جماعتاں نوں برابر دے موقع حاصل نیں، پی ٹی آئی سنے ساریاں سیاسی جماعتاں دے برابر دے حقوق نیں، پی ٹی آئی اُتے کسی قسم دی پابندی نہیں، الیکشن کمیشن تے نگران حکومت ساریاں سیاسی جماعتاں نوں برابر دے مواقع دی فراہمی یقینی بناواں گے۔اونہاں دا کہنا ساں کہ پی ٹی آئی دا اپنا معاملہ اے کہ اوہ الیکشن مہم کس طرح چلاندیاں اے، سیاسی جماعتاں مشکل حالات وچ وی اپنی الیکشن مہم چلاندیاں نیں، ایس حوالے نال پی ٹی آئی اُتے کوئی پابندی نہیں۔