سودی نظام ختم کرنا ویلے دی اہم لوڑ اے، سراج الحق

تیمرگرہ( پنجابی میڈیا گروپ)امیر جماعت اسلامی پاکستان سراج الحق نے آکھیا اے کہ سودی نظام ختم کرنا ویلے دی اہم لوڑ اے۔سراج الحق نے تیمرگرہ وچ اجتماع نال خطاب کردیاں ہویاں آکھیا کہ اسرائیل ظلم تے بربریت دی نویں داستان رقم کر رہیا اے، جماعت اسلامی ہر فورم اُتے مظلوم فلسطینیاں دا ساتھ دیوے گی، حکومت پاکستان مظلوم فلسطینیاں دا ساتھ دین لئی اقوام عالم وچ اواز چُکے۔اونہاں دا کہنا سی کہ سودی نظام ختم کرن ویلے دی اہم لوڑ اے، سود توں پاک نظام ہی دراصل پاکستانی معیشت دی بہتری دی ضمانت اے، اللہ نے فرمایا اے کہ سود میرے خلاف اعلان جنگ اے، ایتھے75 سالاں توں سود دا نظام قائم اے، جیہڑیاں قوماں سودی نظام اُتے چلدیاں نیں اوہ برباد ہو جاندیاں نیں، قائداعظم نے خود اسٹیٹ بینک نوں آکھیا سی کہ سودی نظام ختم کرو۔