عالمی بینک:50ہزار توں گھٹ تنخواہ اُتے ٹیکس عائد کرن دی تجویز واپس

اسلام آباد(پنجابی میڈیا گروپ)عالمی بینک نے 50ہزار ماہانہ تنخواہ لین والیا اتے ٹیکس عائد کرن دی تجویز واپس لے لئی۔عالمی بینک نے اپنی تجویز واپس لیندیاںہویاں آکھیا اے کہ تجویز2019 دے اعداد و شمار دی بنیاد اُتے جاری کیتی گئی سی، جس نوں حالیہ مہنگائی تے لیبر مارکیٹ دی صورتحال مطابق اپڈیٹ کرن دی لوڑ اے۔عالمی بینک دی ترجمان نے آکھیا کہ بینک ٹیکساں دے نفاذ لئی کسی قسم دی سفارش نہیں کر رہیا، کسی وی قسم دی تجویز دین لئی نویں اعداد وشمار دا جائزہ لینا ضروری اے، اونہاں نے ہور آکھیا کہ عالمی بینک پاکستان دے ٹیکس سسٹم وچ جامع اصلاح دی سفارش کردا اے، ایسی اصلاح کہ جنہاں دے نتیجے وچ ٹیکساں دا بوجھ امیراں اُتے ودھ تے غریباںنوں ریلیف حاصل ہوئے ۔حکومتی اعداد و شمار مطابق تنخواہ دار طبقے نے پچھلے3مہینیاں دے دوران مالدار ایکسپورٹراں تے ریئل اسٹیٹ سیکٹر دے مجموعی ٹیکس توں وی وَدھ ٹیکس ادا کیتا اے۔