جناح ہائوس حملہ کیس دے ملزماں دا جیل وچ ٹرائل دافیصلہ

لہور( پنجابی میڈیا گروپ)جناح ہائوس اُتے حملے دے کیس دا ٹرائل جیل وچ کرن دا فیصلہ کرلیا گیا۔پنجاب حکومت نے جناح ہائوس حملے دے ملزماں دا جیل وچ ٹرائل کرن دا نوٹیفکیشن جاری کردتا جس دے مطابق ساریاں ملزماں دا ٹرائل سینٹرل جیل لہور وچ ہوئے گا ۔ نوٹیفکیشن دے مطابق عسکری ٹاور اُتے حملے، تھانہ شادمان اُتے حملے تے جلا گھیرا دے مقدمے دا ٹرائل وی جیل وچ ہوئے گا۔پراسیکیوشن نے ملزماں دے خلاف چالان مکمل کر کے عدالت وچ جمع کرا رکھے نیں۔جناح ہائوس حملہ کیس دے اسپشل پراسکیوٹر فرہاد علی شاہ نے میڈیا نال گل بات وچ آکھیا کہ جناح ہائوس حملہ کیس وچ ملزماں دی تعداد بوہت وَدھ اے۔ اینہی وڈھی تعداد وچ ملزماں نوں روز جیل توں عدالت لیانا تے واپس لے جانا مشکل کم اے۔ساڈھی کوشش اے کہ مقدمے داٹرائل چھیتی توں چھیتی مکمل کروان۔ اے ٹی سی رولز دے تحت کیس دی سماعت روزانہ ہوئے گی۔