سائفر کیس: چیئرمین پی ٹی آئی تے شاہ محموداُتے فرد جرم 17 اکتوبر نوں لائی جائے گی

اسلام آباد( پنجابی میڈیا گروپ)آفیشل سیکرٹ ایکٹ تحت قائم خصوصی عدالت نے سائفر کیس وچ چیئرمین پاکستان تحریک انصاف تے وائس چیئرمین پی ٹی آئی شاہ محمود قریشی اُتے فرد جرم لئی 17 اکتوبر دی تریخ مقرر کردتی ۔ خصوصی عدالت دے جج ابوالحسنات ذوالقرنین نے اڈیالہ جیل وچ سائفر بارے کیس دی سماعت کیتی، سابق وزیراعظم تے شاہ محمود قریشی نوں عدالت ساہمنے پیش کیتا گیا، سپیشل پراسیکیوٹر ذوالفقار نقوی تے وکیلِ صفائی سلمان صفدر وی عدالت پیش ہوئے۔سابق وفاقی وزیر خارجہ شاہ محمود قریشی دی بیٹی تے بیٹا زین قریشی وی اڈیالہ جیل پہنچے جدکہ چیئرمین پی ٹی آئی نال قنونی ٹیم دی جالیاں نال مختصر ملاقات کروائی گئی۔ایس موقع اُتے ایف آئی اے دی ٹیم تے تفتیشی افسر وی چالان دینقل لے کے اڈیالہ جیل پہنچ گئے تے چیئرمین پی ٹی آئی دے وکیلاں وچ چالان دی نقل تقسیم کیتی۔دوران سماعت پراسیکیوٹر ذوالفقار عباس نقوی نے عدالت نوں دسیا کہ مقدمے دی مکمل نقل نہیں دے سکدے، لیکن جیہڑیاں ضروری نقلاں سن اوہ فراہم کر دتیاں گئیاں نیں۔