اسرائیل دی غزہ اُتے بمباری؛ 140بالاں سنے شہیداں دی تعداد700 توں اُتے چلی گئی

تل ابیب( پنجابی میڈیا گروپ) حماس دے طوفان الاقصی آپریشن وچ اسرائیلی ہلاکتاں دی تعداد 900 ہوگئی جَد کہ غزہ اُتے 4 دناں توں جاری بمباری وچ شہید ہون والے فلسطینیاں دی تعداد 700 توں تجاوز کرگئی جنہاں وچ140 بال وی شامل نیں۔ عالمی خبر رساں ادارے دے مطابق جمعے تے ہفتے دی درمیانی شب حماس دے اچانک حملے دے بعد توں اسرائیلی فوج ہُن تک سنبھل نہیں پائی ۔ مختلف جھڑپاں وچ ہلاک ہون والے اسرائیلیاں ہلاکتاں دی تعداد 900 توں اُتے چلی گئی جنہاں وچ100 توں وَدھ فوجی تے پلس سنے غیر ملکی شہری وی شامل نیں۔دُوجے پاسے اسرائیلی فوج نے بزدلانہ کارروائی وچ غزہ اندر حماس دے کمانڈراں دے گھراں اُتے رات بھر بمباری کیتی۔ اسرائیلی بمباری دا سلسلہ اج چوتھے دن وی جاری رہیا جس وچ ہُن شہید ہون والیاں دی تعداد 700 توں تجاوز کرگئی جنہاں وچ140 بال وی شامل نیں۔اسرائیلی بمباری وچ زخمی ہون والیاں دی تعداد 3 ہزار توںوَدھ زخمی ہوچکی اے۔ پچھلے 2دناں توں اسرائیل نے غزہ دی ناکہ بندی کر رکھی اے۔ بجلی منقطع جَد کہ خوراک تے ایندھن دی فراہمی معطل اے۔اُدھر لبنان دی حزب اللہ نے اسرائیلی سرزمین اُتے مارٹر شیلاں نال حملے کیتے جس نال وڈھے پیمانے اُتے اسرائیلیاں دیاں ہلاکتاں دا امکان ظاہرکیتا اے۔ اسرائیل نے وی لبنان اُتے میزائل داغے لیکن کسی نقصان دی اطلاع تاحال موصول نہیں ہوئی۔