عدالت نے لال حویلی فوری ڈی سیل کرن دی استدعا مسترد کردتی

راولپنڈی(پنجابی میڈیا گروپ)لہور ہائیکورٹ راولپنڈی بنچ نے شیخ رشید دی ملکیت لال حویلی نوں فوری ڈی سیل کرن دی استدعا مسترد کردتی۔لہور ہائیکورٹ راولپنڈی بنچ دے جسٹس مرزا وقاص رئوف نے لال حویلی ملکیتی تنازع کیس اتے سماعت کیتی، شیخ رشید تے اونہاں دے بھائی شیخ صدیق ولوں ایڈووکیٹ سردارعبد الرازق، متروکہ وقف املاک دے ڈپٹی ایڈمنسٹریٹر آصف خان تے ایڈیشنل ایڈووکیٹ جنرل صدیق اعوان عدالت وچ پیش ہوئے۔شیخ رشید دے وکیل نے چیئرمین متروکہ وقف املاک بورڈ دے فیصلے اتیاعتراض کر دیاں ہویاں آکھیا کہ بورڈ وچ سیکرٹری تے ڈی جی سنے سارے عہدے چیئرمین دے کول نیں، سارے اختیار اک ہی شخص دے کول نیں،ساڈھی دائر کردہ اپیل اتے ساہنوں نہیں سنیا گیا۔عدالت نے ایڈیشنل ایڈووکیٹ جنرل نوں متروکہ وقف املاک دے چیئرمین دے اختیاراں بارے تفصیل لئی ادھے گھنٹے دا ویلا دتا تے سماعت وچ وقفہ کردتا۔وقفے دے بعد سماعت دے شروعاتے عدالت نے لال حویلی فوری ڈی سیل کرن دی استدعا مسترد کردتی لیکن لال حویلی کیس دی پٹیشن باقاعدہ سماعت لئی منظورکر لئیگئی۔عدالت نے آکھیا کہ پٹیشن دے فیصلے تک لال حویلی دی موجودہ پوزیشن برقرار رہے گی، آئندہ 19 اکتوبر نوں مفصل سنیا جائے گا تے کسی نوں التوا نہیں ملے گا۔