رجسٹرڈ افغانی مہاجراں خلاف ایکشن نہ لیاجائے،وزارت سیفراںدی ہدایت

اسلام آباد(پنجابی میڈیا گروپ)وزارت سیفران نے رجسٹرڈ افغان مہاجراں دے خلاف ایکشن نہ لین دا نوٹیفکیشن جاری کر د تا۔وزارت سیفران نے نوٹیفکیشن چاراں صوبیاں سنے ساریاں متعلقہ اداریاں نوںگھل دیاں ہوئیاں آکھیا کہ اینج دے افغان شہری جنہاں دے کول دستاویزاں ہون اونہاں دے خلاف کارروائی نہ کیتی جائے۔نوٹیفکیشن دے مطابق پی او آر یا اے سی سی کارڈز دے حامل افغان مہاجرین پاکستان وچ رہ سکدے نیں، قنونی دستاویزاں رکھن والے افغان مہاجرین نوں تحفظ حاصل ہوئے گا۔نوٹیفکیشن وچ آکھیا گیا اے کہ وفاقی کابینہ دے آئندہ فیصلے تک رجسٹرڈ افغان مہاجرین عارضی طور اتے قیام کر سکدے نیں۔ نوٹیفکیشن وچ متعلقہ اداریاں نوں ہدایت کیتی گئی اے کہ رجسٹرڈ افغان مہاجرین نوں گرفتار نہ کیتا جائے۔