نگران وفاقی کابینہ دی ایئرپورٹس سکیورٹی فورس وچ 2 اہم تعیناتیاں دی منظوری
اسلام آباد(پنجابی میڈیا گروپ)نگران وفاقی کابینہ نے ایئرپورٹس سکیورٹی فورس اے ایس ایف وچ2 اہم تعیناتیاں دی منظوری دے دتی ۔ نگران وفاقی کابینہ نے بریگیڈیئر سمیر اشرف شیخ نوں سیکنڈ منٹ بنیاد اتے ڈائریکٹر اے ایس ایف تعینات کرن دی منظوری دے دتی، بریگیڈیئر سمیر اشرف شیخ ڈائریکٹر اے ایس ایف کراچی ایئرپورٹ خدمتاں سرانجام دیون گے۔میجر محمد ایاز نوں سیکنڈ منٹ بنیاد اتے ڈپٹی ڈائریکٹر اے ایس ایف تعینات کرن دی منظوری دے دتی گئی اے، میجر جنرل عدنان آصف جاہ نوں وی سیکنڈ منٹ بنیاد اتے ڈی جی اے ایس ایف تعینات کیتا گیا سی۔مذکورہ تعیناتیاں اے ایس ایف ایکٹ تحت ایئرپورٹا، جہازاں تے انسٹالیشن دی سکیورٹی لئی کیتیاں گئیاں نیں، اے ایس ایف وچ سیکنڈ منٹ بنیاداتے 18 افسر خدمتاں سر انجام دے رہے نیں۔
