حکومت کل یوم یکجہتی فلسطین منان دا اعلان کرے، حافظ طاہر اشرفی

اسلام آباد( پنجابی میڈیا گروپ)حافظ طاہر محمود اشرفی نے آکھیا کہ کل حکومت پاکستان یوم یکجہتی فلسطین منان دا اعلان کرے۔حافظ طاہر اشرفی نے آکھیا کہ پاکستان کوئی معذور ملک نہیں، اسیں اک مضبوط قوم تے فوج رکھدے ہاں، فلسطین دے مسئلے اُتے پوری قوم پُرامن احتجاج کرے گی، فلسسطینی مظلوماں دے نال تے مسلمان وی یکجہتی کردیاں ڈر رہے ہاں۔حافظ طاہر اشرفی نے ہور آکھیا کہ جس طرح مقبوضہ کشمیر اک جیل اے ایسی طرح غزہ اک جیل دی، فلسطینیاں نے اک جیل نوں توڑیا اے، ترکی نے اعلان کیتا اے اونہاں دے بحری دفاعی جہاز غزہ سامان لے کے جاواں گے، مصر دے بارڈراُتے امدادی قافلے کھڑے نیں، اردن توں غزہ امدادی سامنا گھلن دیاں تیاریاں ہورہیاں نیں، غزہ دے لوکاں دا ایس ویلے پانی، بجلی تے خوراک بند اے۔حافظ طاہر اشرفی نے آکھیا اوہ دن بوہت نیڑے اے جَد الاقصی نوں آزادی حاصل ہوئے گی، ساڈھا پورے عالم اسلام دی قیادت نال رابطہ ہورہیا اے، مظلوم، بے بس فلسطینی پوری دنیا نوں پیغام دے رہے نیں، ویلا آگیا اے کہ ہن فلسطین تے کشمیر دا معاملہ حل ہوئے ، کل پورے پاکستان،عالم اسلام وچ یوم یکجہتی فلسطین منایا جائے گا۔